مجلة كلمات

 عم إكرهو هالبيت بغيابك  عم إكره العتبة مع الدرجات  عم إكرهك حالي إذا بتغيب  خمري وعصرتو بأخرالعنبات صفيت إسمك متل نجم سهيل  وغاب القمر  وضويت كل الليل  وتركت قلبي معلق بمسمار  مصلوب عالخشبة بريحة هيل  قلبي أنا شو بتنفعو الآهات  سكران يترنح لميل وميل  ياحروف إسمك بالأرض زلزال  بهتز  ورقة ضايعة بلا حيل   تركتك حبيبي بهالعمر تذكار  وخيال صوبي راكد بلا خيل  فيك نجمع كل الحلا بالكون  وعيني على فراقك ياويلي وويل  هونيك بيت الرب وألي غاية  قريت ودعيتلك بكل آية  عشقي أنا مابتعرفوا الكلمات  بدلت وجهي بحضن المراية ليلي طويل وهالوفا حكايات  قلي حبيبي لو حفا جايي مافي ولا قداس بهاك الدير إلا ودعيتلك لمولايي  ريتك معي تبقى لآخر يوم  هويي العمر لحظة مافيها نوم  نوعى سوا بصدفة  وياخيبة اللهفة  لو درنا متل ولاد بالطرقات  عملتك قصيدة حب و غنيات  وطفيتك بهالنور يا هالنور وكمشة حبق رشيتك وبخور  ياعمري شو بينفع معك الندور  وبيتك عملتو كنيستي  ...